Mujh Se Pehli Si Mohabbat

مجھ سے پہلی سی محبت، مِرے محبوب، نہ مانگ
مجھ سے پہلی سی محبت، مِرے محبوب، نہ مانگ
مجھ سے پہلی سی محبت، مِرے محبوب، نہ مانگ
مجھ سے پہلی سی محبت، مِرے محبوب، نہ مانگ

میں نے سمجھا تھا کہ تُو ہے تو درخشاں ہے حیات
تیرا غم ہے تو غمِ دہر کا جھگڑا کیا ہے
تیری صورت سے ہے عالم میں بہاروں کو ثبات
تیری آنکھوں کے سوا دنیا میں رکھا کیا ہے؟
تیری آنکھوں کے سوا دنیا میں رکھا کیا ہے؟

تو جو مل جائے تو تقدیر نگوں ہو جائے
یوں نہ تھا، میں نے فقط چاہا تھا یوں ہو جائے
مجھ سے پہلی سی محبت، مِرے محبوب، نہ مانگ
مجھ سے پہلی سی محبت، مِرے محبوب، نہ مانگ

اَن گنت صدیوں کے تاریک بہیمانہ طلسم
اَن گنت صدیوں کے تاریک بہیمانہ طلسم
ریشم و اطلس و کمخاب میں بنوائے ہوئے
جا بجا بکتے ہوئے کوچہ و بازار میں جسم
خاک میں لتھڑے ہوئے، خون میں نہلائے ہوئے
لَوٹ جاتی ہے اُدھر کو بھی نظر، کیا کیجے
اب بھی دل کش ہے تِرا حسن، مگر کیا کیجے
اب بھی دل کش ہے تِرا حسن، مگر کیا کیجے

اور بھی دکھ ہیں زمانے میں محبت کے سوا
راحتیں اور بھی ہیں وصل کی راحت کے سوا
مجھ سے پہلی سی محبت، مِرے محبوب، نہ مانگ
مجھ سے پہلی سی محبت، مِرے محبوب، نہ مانگ