Chimbh Bhijalele - From "Bandh Premache"

या रिमझिम झिलमिल पाऊसधारा तनमन फुलवून जाती
या रिमझिम झिलमिल पाऊसधारा तनमन फुलवून जाती
सहवास तुझा मधुमास फुलांचा गंध सुखाचा हाती

हा धुंद गार वारा, हा कोवळा शहारा
उजळून रंग आले, स्वच्छंद प्रितीचे

चिंब भिजलेले, रूप सजलेले
बरसूनी आले रंग प्रितीचे
चिंब भिजलेले, रूप सजलेले
बरसूनी आले रंग प्रितीचे

ओढ जागे राजसा रे अंतरी सुख बोले
सप्तरंगी पाखरू हे इंद्रधनु बघ आले
लाट ही वादळी मोहुनी गाते
ही मिठी लाडकी भोवरा होते

पडसाद भावनांचे, रे बंध ना कुणाचे
दाही दिशांत गाणे बेधुंद प्रितीचे

चिंब भिजलेले, रूप सजलेले
बरसूनी आले रंग प्रितीचे
चिंब भिजलेले, रूप सजलेले
बरसूनी आले रंग प्रितीचे

हे फूल आले, पंख आले, रूप हे सुखाचे
रोमरोमी जागले दीप बघ स्वप्नाचे
बरसतो मोगरा थेंब गंधाचे
भरजरी वेड हे ताल छंदांचे

घन व्याकूळ रिमझिमणारा मन-अंतर दरवळणारा
ही स्वर्गसुखाची दारे, हे गीत प्रितीचे

चिंब भिजलेले, रूप सजलेले
बरसूनी आले रंग प्रितीचे
चिंब भिजलेले, रूप सजलेले
बरसूनी आले रंग प्रितीचे