Aey Mere Hum Nasheen

اے میرے ہم نشیں، چل کہیں اور چل
اِس چمن میں اب اپنا گزارا نہیں

اے میرے ہم نشیں، چل کہیں اور چل
اِس چمن میں اب اپنا گزارا نہیں
بات ہوتی گلوں تک تو سہہ لیتے ہم
اب تو کانٹوں پہ بھی حق ہمارا نہیں
اے میرے ہم نشیں، چل...

دی صدا دار پر اور کبھی طُور پر
کس جگہ میں نے تم کو پکارا نہیں

ٹھوکریں یوں کھلانے سے کیا فائدہ
صاف کہہ دو کہ ملنا گوارا نہیں
ٹھوکریں یوں کھلانے سے کیا فائدہ
صاف کہہ دو کہ ملنا گوارا نہیں
اے میرے ہم نشیں، چل...

آج آئے ہو تم، کل چلے جاؤ گے
یہ محبت تو ہم کو گوارا نہیں

عمر بھر کا سہارا بنو تو بنو
دو گھڑی کا سہارا سہارا نہیں
عمر بھر کا سہارا بنو تو بنو
دو گھڑی کا سہارا سہارا نہیں
اے میرے ہم نشیں، چل...

گلستاں کو لہو کی ضرورت پڑی
سب سے پہلے ہی گردن ہماری کٹی

پھر بھی کہتے ہیں مجھ سے یہ اہلِ چمن
"یہ چمن ہے ہمارا، تمھارا نہیں"
پھر بھی کہتے ہیں مجھ سے یہ اہلِ چمن
"یہ چمن ہے ہمارا، تمھارا نہیں"
اے میرے ہم نشیں، چل...

اپنی زلفوں کو رخ سے ہٹا لیجیے
میرا ذوقِ نظر آزما لیجیے

آج گھر سے چلا ہوں یہی سوچ کر
یا تو نظریں نہیں یا نظارہ نہیں
آج گھر سے چلا ہوں یہی سوچ کر
یا تو نظریں نہیں یا نظارہ نہیں
اے میرے ہم نشیں، چل...

ظالموں، اپنی قسمت پہ نازاں نہ ہو
دور بدلے گا یہ وقت کی بات ہے

وہ یقیناً سنے گا دعائیں میری
کیا تمھارا خدا ہے ہمارا نہیں
وہ یقیناً سنے گا دعائیں میری
کیا تمھارا خدا ہے ہمارا نہیں

اے میرے ہم نشیں، چل کہیں اور چل
اِس چمن میں اب اپنا گزارا نہیں
بات ہوتی گلوں تک تو سہہ لیتے ہم
اب تو کانٹوں پہ بھی حق ہمارا نہیں
اے میرے ہم نشیں، چل...